Category: september

Kijiwe chafunga kumuombea Lissu

Barua ya wazi kwa maaskofu Kilaini na Nzigilwa

Image result for photos of kilaini na nzigilwa
          Wahashamu maaskofu Methodius Kilaini na Eusebius Nzigilwa,
            Kwanza, nawaamkua shikamooni; na kukwapa pole kwa majukumu yetu ya kiroho na kidunia. Pia nawapa pole kwa yaliyowakuta. Maana si madogo. Ni pale mlipotuhumiwa, kabla ya kukiri, kuchotewa fedha zilizotokana na kashfa ya wizi wa fedha za umma wa watanzania maskini ijulikanayo kama Escrow mlizopewa na mtuhumiwa na muasisi mkuu wa kashfa hii, James Rugemalira ambaye sasa yuko korokoroni akituhumiwa kwa makosa ya kulihujumu taifa na kuuibia umma. Hivyo, sitaweza kuingi undani wa suala zima tokana na sababu za kisheria na ukweli kuwa mnalijua vizuri hata kuliko mimi kama wanufaika ambao sasa wanajitenga na mshitili wao.
            Hivi karibuni, nilisoma tangazo lenu la tarehe 7 Septemba, 2017 kuutaarifu umma kuwa mmeamua kurejesha zile fedha kwa serikali baada ya kujiridhisha kuwa hazikupatikana kihalali. Je mmetubia dhambi hii itokanayo na uroho ambayo ni kinyume cha mafundisho ya Yesu Kristo? Je mmetumia vigezo gani hasa ikizingatiwa kuwa atoaye sadaka kanisani au matoleo, kama manavyoita, huwa haulizwi namna alivyochuma fedha atoazo? Maana ingekuwa hivyo, bila shaka mngelimuuliza Rugemalira alivytengeneza hiyo fedha kabla ya kuzichukua na kuishia kwenye kashfa ambao itawagharimu vilivyo kama mkondo wa sheria utafuata ikizingatiwa nyinyi ni viongozi na watumishi wa umma waliopokea fedha chafu zitokanazo na wizi wa fedha za umma. Je huu si ushahidi tosha kuwa hii fedha haikuwa ya kanisa bali yenu kutokana na kitendo mlichofanya mkidhani kitawasafisha kikaishia kuwafichua na kuwachafua zaidi?  Katika tangazo tajwa hapo juu, mnakiri kupokea fedha ambazo hamkutaja ni kiasi gani ingawa inafahamika ni shiling milioni 40 na ushei, hapo Februari 2014 kupitia kwenye akaunti zenu za benki.  Hii maana yake ni kwamba fedha tajwa ilikuwa benki kwa takriban miaka mitatu ikitengeneza faida. Je mmerejesha na interests zilizolipwa na benki tokana na kuwa na kiasi hiki kikubwa? Je tukiacha ubabaishaji na kujitetea, kweli kwenye nafsi zenu hamkujua kuwa fedha hii ilikuwa kubwa; na uwezekano wa mhusika kuipata visivyo halali ulikuwa mkubwa ikizingatiwa kuwa kashfa yake haikuanza jana wala juzi? Je mnategemea kufanikisha nini katika hatua hii ambayo kisheria ni ushahidi wa wazi unaoweza kutumika dhidi yenu? Je kwanini mlingoja mpaka Rugemalira akamatwe? Je angeendelea kunyamaziwa mngechukua hatua mlizochukua au ni baada ya kugundua kuwa mambo sasa si mchezo wala mazoea kama ilivyokuwa imezoeleka nchini ambapo mafisadi wakubwa walizoea kulindwa na kuengwaengwa huku wakiwakoga wale waliowaibia? Kuna haja ya kutubu na kujisuta sana huku mkisema ukweli ili mueleweke na ikibidi kusamehewa au kuhukumiwa kulingana na wenye fedha watakavyoamua.
            Wapendwa, naomba niendelee kuwadodosa lau ukweli ujulikane ili uwaweke huru.  Katika tangazo lenu mlidai kuwa fedha husika ilikuwa ni matoleo.Je kama kweli yalikuwa ni matoleo, kwanini yaliingizwa kwenye akaunti zenu na si kwenye akaunti za makanisa yenu? Hapa nani anasema ukweli; na utaratibu wa kupokea matoleo ni upi kwa mujibu wa kanuni za kanisa? Je kwanini mmeamua kurejesha fedha serikalini na si kwa yule aliyewapa au familia yake wakati mkijua serikali aihusiki kwenye kashfa hii? Je mlipata ushauri wa kisheria ua wa kidini katika kufikia hatua hii hatari. Kwani, kiushahidi wa mazingira, hamna tofauti na wanufaika wengine waliohongwa tokana na nafasi zao katika utumishi wa umma ambao nanyi, kama watumishi wa kiroho, mnahusika? Je kitendo chenu cha kupokea fedha chafu kwenye akaunti binafsi kinatoa funzo na picha gani kwa jamii yetu? Je mnadhani mlichofanya ni suluhu ya sakati hili linalopaswa kuisha kisheria?
            Wapendwa, japo sitaki niseme mengi wala kuhukumu ili nisihukumiwe, tangazo lenu limeficha mengi zaidi ya liliyoweka wazi. Kwa mfano, kwanini hamkueleza utaratibu unaojulikana kikanisa wa muumini kutoa matoleo kwa kanisa ili umma upime kama kilichofanyika ni sawa au si sawa? Je kwanini mmechukua muda mrefu kufikia uamuzi mliofikia? Lazima kuwe na sababu zaidi ya mhusika kuwa korokoroni. Je mlifanya jitihada za kumrejeshea aliyewapa hiyo fedha kabla ya kufikia kuzipeleka serikali au mnafanya hivyo, ili serikali na umma usiwashughulikie?
            Nimalizie kwa kusema kuwa kitendo chenu kinaacha maswali mengi kuliko majibu. Sidhani kama serikali itaona sincerity kwenye kitendo hiki zaidi ya kuwa mbinu ya kutaka kuepukana na matokeo ya kashfa hii ambayo ni kufikishwa mbele ya vyombo vya dola ili haki itendeke. Maana, hali tuliyo nayo nchini kwenye ufisadi inatisha na kukatisha tamaa ingawa rais anajitahidi kupunguza madhara na ukubwa wa tatizo ambalo watangulizi wake walililea na kulifumbia macho. Si viongozi wa serikali wala wa kiroho japo si wote, imewaozesha na kuwaharibu kiasi cha kusahau hadhi, heshima na wajibu wao kwa umma. Ushauri wangu wa bure kwenu ni kwamba kirini kukwa mlipotoka na muombe msamaha mambo yaishe ili liwe somo kwa wengine wanaodhani kuwa wanaweza kutumia nyadhifa zao kula na mafisadi.
Chanzo: Tanzania Daima J’pili leo.

Mlevi ataka Katiba Mpya kama Kenya

            Baada ya mwana wa mfalme U-freedom Kinyataa kunyang’anywa ulaji wa dezo unaosemekana kupatikana kiharamu kwa njia ya uchakachuaji ambao sasa umegeuka fasheni Afrika, ilibidi nisukuti. Tokana na kusukuti huku, leo sitaki longolongo wala mizungusho bali kusema kwa kinywa kipana tena kwa herufi kubwa kuwa kaya yetu inahitaji katiba mpya ili kufanya mambo kisasa na si kizamani kama ilivyo na ilivyozoeleka. Hebu msomaji tuseme pamoja kwa herufi kubwa “TUNATAKA KATIBA MPYA ILI TUFANYE MAMBO MAPYA”
            Naona yule anagwaya akidhani yatamkuta yanayowakuta akina Tunduni Liisu. Ogopa Mungu si miunguwatu. Wanaweza kufunga mwili wako lakini  si mdomo wako wala mawazo yako. Kwani kaya hii ni yao au mama zao? Hebu tusema pamoja “TUNATAKA KATIBA MPYA SASA VINGINEVYO HAPAKALIKI HAPA.”
            Japo inaweza kuonekana kuwa najipa ujiko na kujifagilia, ni kwamba mawazo yangu yamechangia kufikia hapa ninapoongelea. Naona yule anatikisa kichwa na kusonya. Kama unadhani hizi ni kamba au longolongo asome gazeti la Kenya linaloheshimika la Daily Nondo utakuta nondo na vimondo vyangu. Kwa wasiojua hawa jamaa wanavyopendana kiasi cha kutotaka wageni waingilie mambo yao, kupata fursa ya kutupa mawe mle si kawaida. Lazima kichwa kiwe kinajibu na kuchemka kweli kweli. Nadhani mimi ni mlevi pekee toka Bongo aliyepata fursa ya kutupa mawe mle si mara moja wala mbili. Naona yule anazidi kubeua midomo na kutikisa kichwa. Maskini hajui kuwa nabii hakubaliki nyumbani yaani kwa kilatini Nemo profita in patria sua. Hayo tuyaache.
            Kuna maswali ya kujiuliza. Je ilikuwaje mwana wa mfalme akanyang’anywa tonge mdomoni wakati alikuwa na kila zana za kuchakachua? Si baada ya kustukia mchezo wa uchakachuaji, mpinzani wake Jadwong Madwong amaye by extension ni rafiki yangu na dingi, akaenda kwa Pilato. Kwa vile Katiba ya kule inaruhusu kila mlevi kwenda kwa Pilato anapohisi hajatendewa haki si Pilato akampa alichotaka kwa kumpiga chini mwana wa mfalme. Just imagine. Unadhani ingekuwa Bongolala na katiba yetu viraka jamaa angetoboa kama wasemavyo huko? Wala kisingeumana.
            Kwa vile nimependa chesi hii, nawaalika walevi wote wapenda demokrasia bila ghasia na maendeleo vya kweli waje tupange namna ya kuwabana wanene wetu warejeshe Katiba yetu mpya ya jaji Jose Waryuba iliyouawa na majambazi na mafisadi ili wasinyee debe kama akina Singasinga na Rugetumbuliwa bila kumsahau jamaa yangu Manjilinji. Au vipi walevi? Semeni kwa pamoja ‘Tumechoka na longolongo, ubabaishaji na mauaji ya Katiba mpya ya kaya.” Sema tena “Tunataka Katiba mpya na si uongo mpya.”
            Ninapoandika hapa, dingi atakuwa akitabasamu kwa swahiba yake kupata fursa nyingine ya kujaribu urahisi huku ndugu yangu Eddie aliyeshabikia upande wa pili akiugulia kwa machungu ya hukumu hii takatifu.
            Tukirejea umuhimu na majaliwa ya Katiba mpya, lazima niseme bila kumung’unya kuwa huwezi kuendeleza kaya bila kuwa na haki na uhuru kwa wanakaya kama ilivyo sasa. Hivyo basi, wote wanoota ndoto za nchana kuwa kaya inaweza kuendelea kwa maigizo wanapoteza muda. Maana, Katiba mpya ndiyo muarobaini wa ufisadi, uvivu na ubabaishaji ambavyo dingi amejaribu kutumbua akaishia kuchoka kabla hata hajamaliza ngwe moja. Hata hivyo, amejitahidi. Sema angekuw anashaurika, hakuna jambo la maana angewatendea walevi kama kufufua nchakato wa Katiba mpya ili itumike kuleta usawa, haki na uwajibikaji kayani kama ilivyotokea kwa majirani zetu wa the country of man eat man hivi karibuni.
            Huwezi kuendeleza kaya wakati kuna matabaka ya walevi ambapo wapo wasioguswa na wanaotolewa kafara kwa sababu wanaeleza mawazo yao ambayo ni haki yao kikatiba. Huwezi kuendeleza kaya kwa katiba viraka na makengeza kiutendaji ambapo baadhi ya wahalifu wanakingiwa kifua tokana na ukaribu wao kwa wakubwa au ukubwa wa vyeo walivyoshika au kushikwa na maswahiba au waramba viatu wao kama ilivyo.
            Leo sichongi sana. Nakwenda kujiandaa kulianzisha la kudai upya katiba mpya. Kusema ukweli natamani Maraga angekuwa Bongo lau tumpe ofa na kumpongeza. Kwa wale wanaoatamia katiba yetu mpya wakae wakijua kuwa wanakalia kaa la moto. Kumbe naota! Hata hivyo, tuseme “TUNATAKA KATIBA MPYA.”
Chanzo: Nipashe J’mosi, jana.

Presidential rerun; Kenya isn’t out of the wood yet

          No doubt. Kenya is facing a Solomonic test that begs for Solomonic wisdom. After the Supreme Court of Kenya nullified president Uhuru Kenyatta’s win, Kenya, once again, was pushed back to square one as far as the search for its president is concerned. September 1, 2017 goes to the annals of history as the day, for the first time in East Africa, Africa and the world at large, president’s results were nullified. What a big blow for rulers in countries in the region who tamper with the constitution to cling unto power.! For, from what transpired in Kenya, many citizens have seen the beauty of having progressive constitutions. This means; Kenya is now shifting gears from presidential democracy to Constitutional democracy. Notably, up till now, the full ruling and the rationale thereof have not been known. For, the court hasn’t yet released them.
            However, the Supreme Court, in its decision, ruled that Kenya’s presidential election was not credible, free, fairs and verifiable; thus invalid, null and void thanks to the illegalities and irregularities the court found. The said election didn’t meet constitutional prescriptions as stipulated in Kenya’s constitution. Therefore, the Court ordered the rerun within 60 days of make or break that will decide the future of Kenya.  With Kenya’s future hanging in the balance, as country and a people, needs more than what it takes to come out of this imbroglio peacefully and safely. There are a few reasons to think that anything can happen though elections and a long waiting that followed were peaceful and hopeful.
            First, I don’t think; the time stipulated in the constitution is sufficient enough for Kenya to conduct credible, free and fair presidential election. Apart from the constraints of time, there are resources constraints such as finance, logistic, procurement of electoral materials and whatnots.
            Secondly, the body charged with conducting the election, the Independent Electoral and Boundaries Commission (IEBC), like the court, is now at the receiving end, especially from the losers of the petition. Recently, president Kenyatta and his deputy slung mud at the judiciary while the opposition, the National Super Alliance (NASA) said categorically that the IEBC has lost its credibility, thus, it cannot conduct another election. While the NASA wants the IEBC to pack And hit the road, the status quo prefers it to conduct the rerun as prescribed in the constitution. This means: Kenya is facing legal-cum-political impasse at the same time. The situation becomes even dire due to the fact that the constitution stipulates that elections should be conducted in 60 days shall the results be nullified.  Legally speaking, such provisions were enacted to deal with parliamentary; and possibly gubernatorial and other disputes but not presidential. This is why the Supreme Court’s ruling caught Kenya off guard. Never had in Africa any presidential victory been quashed. Thus, those who enacted the law didn’t expect such an eventuality would happen. Is Kenya capable of conducting a credible, free and fair election within the confines of the constitution? How if  the NASA doesn’t trust the IEBC? Will wisdom dictate that Kenya amends its constitution to accommodate this eventuality?
            Third, apart from legal limbo and political imbroglio-cum-quandary, recently the situation took a bad turn when President Kenyatta and his deputy, William Ruto, attacked the decision; and referred to the Supreme Court as Kangaroo  court and judges wakora or crooks which is unfortunate and bad. Ironically, the same said that they will respect its decision!
            Fourth, looking at how diverging and discordant the campaigns and polls were, Kenya is currently divided right down the middle gyrating around ethno-affiliations. This shifts national politics to ethnopolitics whose tendencies are always deadly and unpredictable if we remember the 2007-2008 Post-Election Violence (PEV). I am not trying to be a doomsayer or a worrywart,. chiefly when I explore the fact that the protagonists who caused such a crisis are almost the same save that this time the competition is between Kenyatta and Raila Odinga as opposed to Mwai Kibaki and Odinga. Importantly, the duo comes from the same antagonistic tribes and their alliances.
            Now what should be done to do away with this catch-22?
            Firstly, the Supreme Court should caution politicians about the contempt of court. Shall they stand their ground; they must be sued and punished. This will de-escalate the looming danger such monkey business can cause.
            Secondly, the NASA must go to court to stop the IEBC from conducting the rerun. For, it was found liable for some criminal negligence; and partly the contempt of court due to refusing to allow the petitioners to access some evidence as ordered by the court.
            To cut a long story short, Kenya needs Solomonic wisdom to pull it out of the limbo is in. and this is only possible shall all Kenyans stand as one as they shy away from their tribal bubbles.
Source: Citizen Wed’, today.

Kijiwe champongeza pilato mkuu wa Kenya

       Image result for photos of david maraga    Baada ya mahakama kuu ya Kenya kumpiga kalamu rais Uhuru Kenyatta, Kijiwe kimempongeza jaji mkuu wa kaya hiyo Davie Maraga aliyesimama kidete kulinda maslahi ya umma.
            Msomi Mkatatamaa aliyekuwako kule kama mwangalizi wa kijiwe wa uchakachuaji ule anaingia akiwa na furaha ya kufa mtu. Anaamkua na kuagiza kahawa na kusema “si niliwambia kuwa Uhuuto utapigwa chini kwenye mahakama ya haki! Mmesikia rafiki yangu na mwanafunzi wangu Davie Maraga alivyofanya kweli kuonyesha alivyoelewa somo langu la jurisprudential supremacy and sancrosanctity of the constitution?”
            Mzee Maneno anamchomekea “hiyo sankaramantiki ni mnyama gani Msomi mbona unaniacha Solemba ndugu yangu?” Kijiwe hakina mbavu namna anavyoharibu maneno ya kitasha tokana na kutopiga buku babu huyu wa kiramizi.
            Kapende anaamua kumpoka mic mzee Maneno “nadhani Msomi anamaanisha ukuu na utukufu wa sheria ambao, bila shaka, ndio uliwawezesha majaji kutoogopa cheo cha mtu wala njuluku zake na kuamua kutenda haki kwa kusema wazi kuwa kulikuwa na uchakachuaji kwenye uchakachuaji uliopita wa Kenya. Natamani hii ingekuwa hapa kwenye kaya yetu. Nichukue fursa hii kuwapongeza majaji hawa hasa kiongozi wao jaji mkuu Davie Maraga ambaye ni shemeji yangu.”
            Mpemba anakwanyua mic “yakhe waliozea vya kunyonga; vya kuchinja hawaviwezi ati! Kweli mie nilishangaa sana kusikia eti hawa jirani walikuwa wamenchagua mwana wa mtesi wao anosifia kwa unyakuzi wa mashamba na ulimbikizaji wa mali huku akiwaacha hai lakini hoi. Nshangaa na kusikitika sana. Heri majaji wametenda haq. Wallahi nasema, nasi twataka haki kama hii. Ingekuwa yawezekana, kwa vile kaya yetu haina jaji mkuu, ningemualika jaji Maraga aje huku lau tupate katiba mpya ati.”
            “Sasa wewe unatafuta matatizo. Hukusikia wapingaji walivyopiga kelele hadi makoo yakakauka ukiachia wengine kutiwa misukosuko? Hata hivyo, kama Kenya iliondokana na imla kama Dan arap Mwai, nasi kuna siku tutauzika uimla kama walivyofanya bila hata kurusha ngumi. Naamini dunia inabadilika kila uchao ingawa wanene wetu hawataki kuliona na kulikubali hili” anachomekea Mijjinga huku akifunua ukurasa wa tabu kubwa analosoma kuhusu utawala wa kidemokrasia na haki” anachomekea Mipawa.
            Mgoshi Machungi aliyekuwa kimya anaamua kula mic “jamani, kwanza tieeze wazi. Mimi niifuahi kusikia habai hizi toka Kenya. Mpaka sasa sieewi ogic wakenya wanayotumia kuchagua mwana wa mfame kama aivosema ami wakati aiwazuumu ardhi na mai kiasi cha kuacha famiia yake ikiwa ya mabiionea! Tikiejea hapa kayani, naona wakati umefika wa kudai katiba mpya bia kupepesa jicho waa kumung’unya maneno. Maana ukiangaia uchakachuaji wetu unaofanyika kia mwaka, unatamani tingekuwa na katiba mpya angaau tufanye mambo mapya kama waivofanya Kenya.”
            Mheshimiwa Bwege anaamua kutia guu mapema. Anakula mic “huwa nashangaa wanaotaka mambo yetu yawe kama Kenya. Wenzenu, tokana na kuminywa sana na ubepari tangu kupata uhuru walitia akili. Wako tayari kulianzisha wakati wowote wanapohisi mambo sivyo ndivyo tofauti nasi tunaotaka kila kitu kiletwe kwenye sahani. Watawala si watu wa kujadiliana. Ni kama nyuki. Bila moto asali haitoki mzingani. Lau nyuki asali ni yao. Mfano rahisi ni kwamba maziwa huwa ni yako kabla hujampa paka. Je unafanya nini kumnyang’anya paka maziwa? Lazima uwe tayari kuparuriwa na iwe zake ama zako au vipi.”
            Da Sofia Lion aka Kanungaembe anakula mic “hapa kaka umenikuna kweli kweli.”
            Kabla ya kuendelea Mchunguliaji anamchomekea da Sofia” amekukuna wapi na vipi; mbona sijakupata vizuri dada?”
            Mheshimwa Bwege hangoji Sofia ajitetee. Maana ameguswa yeye; na isitoshe ameguswa yeye. Anajibu ‘nimemkuna hapo hapo na hivyo hivyo unavyotaka au vipi? Kwani mawazo yangu hayajakukuna hata wewe ndugu yangu!” Mchunguliaji anaamua yaishe kwe mkwara. Anasema ‘tuheshimiane mheshimwa Bwege. Naye mheshimiwa Bwege anajibu “tuheshimiane basi.”
            Kanji naye kapata upenyo. Anakwida mic “vatu iko sema witu wingi bila angalia sababu na singi yake. Leo nasifia Kenia. Hii vatu yaKenia iko na katiba safi sana. Sasa hii nataka mambo ive kama Kenia na katiba laka kweli nafikiri zuri dugu yanguni? Kama nataka kvenda bingunina pepo lazima ikufe.” Kijiwe hakina mbavu namna Kanji anavyobukanya uswa ingawa wengi huwa wanajifanya hawaujui wakati wanaujua fika kuliko hata waswa wenyewe.
             Baada ya kusikiliza hoja za wote, Msomi anaamua kutia guu uwanjani lau afunge mjadala kabla kijiwe hakijavurugwa na mambo ya mtaani. Anasema “ni kweli tunahitaji katiba mpya. Ila hatuwezi kuipata kwenye sahani ya dhahabu. Kama alivyosema vizuri Kanji, hatuwezi kwenda peponi, kama ipo, bila kufa. Nakubaliana na mheshimiwa Bwege kuwa bila moto asali haitoki. Hivyo, nashauri tujipange. Muhimu kuliko yote, nampongeza mwanafunzi wangu jaji Maraga kwa ujasiri na heshima yake kwa kaya yake. Wiki ijayo lazima nitie timu kijijini Bonyamatuta kumpa tafu huyu Mura Kikiohoya.
            Kijiwe kikiwa ndiyo kinachanganya si ikapigwa kelele ya mwizi! Acha kila mmoja atoke mkuku kwenda kushuhudia kibaka anavyochomwa moto wakati mibaka ikienziwa.
Chanzo: Tanzania Daima J’tano kesho.
Fear Nothing But Fear Itself