Kijiwe champongeza pilato mkuu wa Kenya

       Image result for photos of david maraga    Baada ya mahakama kuu ya Kenya kumpiga kalamu rais Uhuru Kenyatta, Kijiwe kimempongeza jaji mkuu wa kaya hiyo Davie Maraga aliyesimama kidete kulinda maslahi ya umma.
            Msomi Mkatatamaa aliyekuwako kule kama mwangalizi wa kijiwe wa uchakachuaji ule anaingia akiwa na furaha ya kufa mtu. Anaamkua na kuagiza kahawa na kusema “si niliwambia kuwa Uhuuto utapigwa chini kwenye mahakama ya haki! Mmesikia rafiki yangu na mwanafunzi wangu Davie Maraga alivyofanya kweli kuonyesha alivyoelewa somo langu la jurisprudential supremacy and sancrosanctity of the constitution?”
            Mzee Maneno anamchomekea “hiyo sankaramantiki ni mnyama gani Msomi mbona unaniacha Solemba ndugu yangu?” Kijiwe hakina mbavu namna anavyoharibu maneno ya kitasha tokana na kutopiga buku babu huyu wa kiramizi.
            Kapende anaamua kumpoka mic mzee Maneno “nadhani Msomi anamaanisha ukuu na utukufu wa sheria ambao, bila shaka, ndio uliwawezesha majaji kutoogopa cheo cha mtu wala njuluku zake na kuamua kutenda haki kwa kusema wazi kuwa kulikuwa na uchakachuaji kwenye uchakachuaji uliopita wa Kenya. Natamani hii ingekuwa hapa kwenye kaya yetu. Nichukue fursa hii kuwapongeza majaji hawa hasa kiongozi wao jaji mkuu Davie Maraga ambaye ni shemeji yangu.”
            Mpemba anakwanyua mic “yakhe waliozea vya kunyonga; vya kuchinja hawaviwezi ati! Kweli mie nilishangaa sana kusikia eti hawa jirani walikuwa wamenchagua mwana wa mtesi wao anosifia kwa unyakuzi wa mashamba na ulimbikizaji wa mali huku akiwaacha hai lakini hoi. Nshangaa na kusikitika sana. Heri majaji wametenda haq. Wallahi nasema, nasi twataka haki kama hii. Ingekuwa yawezekana, kwa vile kaya yetu haina jaji mkuu, ningemualika jaji Maraga aje huku lau tupate katiba mpya ati.”
            “Sasa wewe unatafuta matatizo. Hukusikia wapingaji walivyopiga kelele hadi makoo yakakauka ukiachia wengine kutiwa misukosuko? Hata hivyo, kama Kenya iliondokana na imla kama Dan arap Mwai, nasi kuna siku tutauzika uimla kama walivyofanya bila hata kurusha ngumi. Naamini dunia inabadilika kila uchao ingawa wanene wetu hawataki kuliona na kulikubali hili” anachomekea Mijjinga huku akifunua ukurasa wa tabu kubwa analosoma kuhusu utawala wa kidemokrasia na haki” anachomekea Mipawa.
            Mgoshi Machungi aliyekuwa kimya anaamua kula mic “jamani, kwanza tieeze wazi. Mimi niifuahi kusikia habai hizi toka Kenya. Mpaka sasa sieewi ogic wakenya wanayotumia kuchagua mwana wa mfame kama aivosema ami wakati aiwazuumu ardhi na mai kiasi cha kuacha famiia yake ikiwa ya mabiionea! Tikiejea hapa kayani, naona wakati umefika wa kudai katiba mpya bia kupepesa jicho waa kumung’unya maneno. Maana ukiangaia uchakachuaji wetu unaofanyika kia mwaka, unatamani tingekuwa na katiba mpya angaau tufanye mambo mapya kama waivofanya Kenya.”
            Mheshimiwa Bwege anaamua kutia guu mapema. Anakula mic “huwa nashangaa wanaotaka mambo yetu yawe kama Kenya. Wenzenu, tokana na kuminywa sana na ubepari tangu kupata uhuru walitia akili. Wako tayari kulianzisha wakati wowote wanapohisi mambo sivyo ndivyo tofauti nasi tunaotaka kila kitu kiletwe kwenye sahani. Watawala si watu wa kujadiliana. Ni kama nyuki. Bila moto asali haitoki mzingani. Lau nyuki asali ni yao. Mfano rahisi ni kwamba maziwa huwa ni yako kabla hujampa paka. Je unafanya nini kumnyang’anya paka maziwa? Lazima uwe tayari kuparuriwa na iwe zake ama zako au vipi.”
            Da Sofia Lion aka Kanungaembe anakula mic “hapa kaka umenikuna kweli kweli.”
            Kabla ya kuendelea Mchunguliaji anamchomekea da Sofia” amekukuna wapi na vipi; mbona sijakupata vizuri dada?”
            Mheshimwa Bwege hangoji Sofia ajitetee. Maana ameguswa yeye; na isitoshe ameguswa yeye. Anajibu ‘nimemkuna hapo hapo na hivyo hivyo unavyotaka au vipi? Kwani mawazo yangu hayajakukuna hata wewe ndugu yangu!” Mchunguliaji anaamua yaishe kwe mkwara. Anasema ‘tuheshimiane mheshimwa Bwege. Naye mheshimiwa Bwege anajibu “tuheshimiane basi.”
            Kanji naye kapata upenyo. Anakwida mic “vatu iko sema witu wingi bila angalia sababu na singi yake. Leo nasifia Kenia. Hii vatu yaKenia iko na katiba safi sana. Sasa hii nataka mambo ive kama Kenia na katiba laka kweli nafikiri zuri dugu yanguni? Kama nataka kvenda bingunina pepo lazima ikufe.” Kijiwe hakina mbavu namna Kanji anavyobukanya uswa ingawa wengi huwa wanajifanya hawaujui wakati wanaujua fika kuliko hata waswa wenyewe.
             Baada ya kusikiliza hoja za wote, Msomi anaamua kutia guu uwanjani lau afunge mjadala kabla kijiwe hakijavurugwa na mambo ya mtaani. Anasema “ni kweli tunahitaji katiba mpya. Ila hatuwezi kuipata kwenye sahani ya dhahabu. Kama alivyosema vizuri Kanji, hatuwezi kwenda peponi, kama ipo, bila kufa. Nakubaliana na mheshimiwa Bwege kuwa bila moto asali haitoki. Hivyo, nashauri tujipange. Muhimu kuliko yote, nampongeza mwanafunzi wangu jaji Maraga kwa ujasiri na heshima yake kwa kaya yake. Wiki ijayo lazima nitie timu kijijini Bonyamatuta kumpa tafu huyu Mura Kikiohoya.
            Kijiwe kikiwa ndiyo kinachanganya si ikapigwa kelele ya mwizi! Acha kila mmoja atoke mkuku kwenda kushuhudia kibaka anavyochomwa moto wakati mibaka ikienziwa.
Chanzo: Tanzania Daima J’tano kesho.

Katiba Mpya: Barua ya wazi kwa rais John Magufuli

Image result for photos of magufuli
           Mheshimiwa rais John Pombe Magufuli,
            Habari za kazi na majukumu mazito ya kuendesha taifa? Kwa heshima kubwa napenda kukuandikia waraka huu wa wazi nikijadili umuhimu wa kuwa na katiba mpya nchini. Naamini utapata fursa, kama si wewe, basi washauri wako kusoma waraka huu kwako kama kiongozi mku wan chi. Leo nitaongelea umuhimu wa kurejea na kurejesha mchakato wa kulipatia taifa katiba mpya ambayo watangulizi wako waliiua kwa sababu ambazo hadi leo hazijulikani kwa watanzania wenye nchi na katiba yao.
            Ndugu rais, wewe kama kiongozi mkuu na mwakilishi wa wananchi, unapaswa kusikiliza sauti za watu wako. Kwanini nasema usikilize sauti na vilio vya wananchi waliokuchagua uendesha serikali yao kwa niaba yao? Mosi, ukirejea wingi wa watanzania waliojitokeza kutoa maoni katika mchakato wa kukusanya maoni, utagundua kuwa wengi wa watanzania wana hamu na katiba mpya. Mbali na hilo, ukiangalia muda na fedha zilizotumika katika zoezi hili, yeyote anayepanga au aliyepanga kuua maoni ya wananchi anapaswa kuchukuliwa kama mhaini, mhujumu na adui wa taifa. Tanzania ni nchi maskini yenye kutegemea kuombaomba na kukopakopa. Hivyo, haiwezi kuzamisha mabilioni ya fedha kwenye zoezi ambalo linaweza kutekwa na kuuawa na miunguwatu fisadi wawili au watatu. Hii ni kashfa kwa watanzania. Ni dharau isiyo kifani kwa watanzania ambao kimsingi ndiyo wenye mamlaka na haki ya kuwa na katiba na si watawala wao.
            Ndugu rais, nadhani umeshuhudia yaliyotokea nchi ya jirani ya Kenya ambapo matokeo ya uchaguzi wa rais yalibatilishwa baada ya kugundulika uvunjaji sheria na katiba. Hili naomba liwe somo kwako kuwa Tanzania nayo inahitaji katiba mpya ili kufanya mambo kisasa na kizamani. Kilichotokea Kenya ni ushahidi kuwa nchi inapokuwa na katiba viraka, inaweza kutawaliwa na viongozi bandia wasiotokana na utashi wa wananchi kama ilivyotaka kutokea nchini Kenya.
            Ndugu rais, najua ulivyo na uchungu na taifa lako. Umeonyesha hili wazi kwa namna unavyopambana na ufisadi na maovu mengine. Hili halina shaka wala mjadala. Hata hivyo, huwezi kufanikiwa kufika unakotaka kulifikisha taifa bila kuwa na nyenzo inayokupa nguvu na msaada wa kufanya hivyo yaani katiba inayokwenda na wakati ikiweka mbele uwajibikaji wa kitaasisi na wa mtu binafsi. Najua namna ufisadi unavyokukera na kukuhangaisha. Ungekuwa na katiba inayotamka wazi kuwa yeyote atakayetenda ufisadi afikishwe mbele ya vyombo vya sheria, wala usingehangaika hata kuwatetea wala kuwakingia kifua watangulizi wao ambao kufanya hivyo, kumetia doa dhima na lengo lako la kupambana na uovu. Ungekuwa na katiba mpya, wala usingepoteza muda kutumia jeshi la polisi kukimbizana na wapinzani badala ya wahalifu kama ilivyo sasa. Ungekuwa na katiba mpya usingekuwa na mizigo kama baadhi ya watendaji wako walioko karibu nawe waliotuhumiwa kughushi ukashindwa kuwawajibisha.
            Ndugu rais, watanzania wanataka katiba mpya. Ni nani huyu anayehujumu azma hii ili wamjue na ikiwezekana kumshughulikia? Kwa nikujuavyo kama mchapakazi na mzalendo wa kupigiwa mfano, utaepukana na vikwazo na vishawishi vya kutaka nawe uwe sehemu ya tatizo katika kusaka katiba mpya ambayo kimsingi ilishapatikana tokana kazi pevu iliyofanywa na tume ya Jaji Warioba. Nadhani, kinachokosekana au tuseme kilichokosekana ni ujasiri na udhu wa kufanya hivyo.
            Ndugu rais, kwa kiongozi mahiri kama wewe aliyeonyesha usafi wa hali ya juu, huna cha kuchelea ili ukwamishe upatikanaji wa katiba mpya vinginevyo kama una mpango wa kubadilika hapo baadaye. Kwa vile wewe ni binadamu, usijisikie vibaya kusema haya. Sina shaka nawe kwa sasa kutokana na udhu ulioonyesha kuwa nao.
            Ndugu rais, sisi binadamu ni viumbe wa muda; tunapita. Ni kama umande wa asubuhi kwenye majani. Hata hivyo, sawa na umande, hurutubisha mbegu ambazo huendeleza pale tunapoachia. Kwa rais anayeitazama Tanzania miaka mia ijayo, hana sababu yoyote ya msingi kukatilia uwepo wa katiba mpya. Hata kama ana marafiki anaodhani wanaweza kuingia matatani baada ya kupitishwa kwa katiba mpya, nadhani Tanzania ni muhimu kuliko marafiki na binadamu wowote hata wawe au waliwahi kushika madaraka makubwa kiasi gani. Nakuomba ndugu rais uige mfano wa Yesu aliyesema kila mtu ataubeba msalaba wake mwenyewe. Biblia katika Luka 14: 27 inasema “na kama huwezi kubebe msalaba wako na kunifuata, wewe si mwanafunzi wangu.” Nami niongeze “kama hutaki uwepo wa katiba mpya, basi wewe si mwenzangu na usinipotezee muda na kuniharibia uongozi wangu.”
            Ndugu rais, nimalizie kwa mambo mawili. Mosi, kuomba urejeshe mchakato wa upatikanaji wa katiba mpya. Na pili, ueleze taifa tatizo liko wapi ili wakusaidie kulitatua ili taifa lisonge mbele na kuheshimu maoni na mawazo ya umma. Walatini wana msema mmoja maarufu ambao, bila shaka, hata nawe unaufahamu. Vox populi vox dei yaani sauti ya wengi ni sauti ya Mungu. Ni shetani gani huyu ambaye anampinga Mungu? Tuseme wote kwa pamoja: Ashindwe na alegee.
Nimalizie kwa kukushukuru; na kama utaweza unaweza kunijibu.
Chanzo: Tanzania Daima J’tano kesho.

Tuesday, 5 September 2017

Katiba mpya somo toka Kenya

Image result for photos of rasimu ya katiba mpya
          Japo wakenya wakisema kuna mambo wanazidi nchi nyingine huonekana kama wanajisifia sawa na watanzania. Mfano, wakenya huiita nchi yao economic hub of East and Central Africa sawa na watanzania wanavyojiita kisiwa cha amani barani Afrika. Kuna mambo wakenya wana haja ya kujisifia sawa na watanzania na wananchi wengine wa nchi za kiafrika zilizotengenezwa na mkoloni jambo ambalo linaonyesha namna tunavyoshangilia ukoloni kiasi cha kuushiriki kwa namna moja au nyingine.
            Pamoja na mijisifa mingine isiyo na msingi, kwa sasa Kenya inangia kwenye kundi teule barani la nchi za Afrika ya Kusini, Botswana na Ghana kama nchi zinazoweza kujisifu kuwa zina katiba zilizostaarabika. Kwani, katiba za nchi hizi zimefanya kila mhimili wa dola kujitegemea na kutoingiliwa wala kuingilia mihimili mingine kama inavyotaka dhana ya utawala bora na wa sheria. Chini ya dhana hii, juzi dunia, kwa mara ya kwanza, ilishuhudia ushindi wa rais ukifutiliwa na kubatilishiwa mbali na mahakama. Kitendo hiki, licha ya kuiletea Kenya sifa kedekede, kimeiweka mbele hata kuliko nchi vigogo vinavyojigamba kuwa mabingwa na walimu wa demokrasia kwa Afrika kama vile Marekani ambayo ina migogoro ya matokeo ya uchaguzi sawa na nchi za kiafrika.
            Pia uamuzi huu umekuwa suto karibu kwa nchi zote za kiafrika ukiondoa zile zilizoonyeshwa hapo juu. Ni suto sana kwa Afrika Mashariki ambayo licha ya kuwa na serikali mbili tu za kidemokrasia za Kenya na Tanzania, ina wingi wa viongozi ving’ang’anizi wa madaraa chini ya visingizio mbali mbali.
            Leo safu hii itaangalia masomo yanayopatikana kwenye uamuzi wa mahakama kuu ya Kenya wa kufutilia mbali ushindi wa rais. Kwanza, haijawahi kutokea popote duniani. Je Kenya imefanya hivi kutokana na kuwa na watu wa ajabu? Hasha. Ni kutokana na kuwa na katiba bora yenye kutokana na utashi na mawazo ya wananchi iliyoanza kutumika mwaka 2010. Katiba ya Kenya inatoa haki kwa raia yoyote kupinga matokeo yoyote katika nafasi za kuchaguliwa hata kuteuliwa anapohisi haki haikutendeka. Wakati Katiba ya Kenya ikifanya hivyo, ya Tanzania hairuhusu hata kuhoji matokeo hasa ya urais. Inamuweka rais juu ya sheria jambo ambalo licha ya kuwa moja ya masalia ya ukoloni, ni aina fulani ya ukoloni ulioendelezwa na watawala waliopokea uhuru na waliowafuata kwa hofu ya kuondolewa madarakani hata kushitakiwa walipovurunda.
            Pili, tokana na kuwa na Katiba inayotoa uhuru na haki kwa wananchi wengi, hata taasisi za Kenya kama vile Mahakama  na nyingine zinao uhuru na wajibu kwa wananchi wote bila kujali mamlaka yao. Hivyo, mahakama ya Kenya ni huru; na uamuzi wake hauwezi kuingiliwa na mhimili mwingine kama ilivyo kwenye nchi nyingine ambako mahakama hutumika kama mhuri au rubberstamp wa utawala.
            Si mahakama tu. Hata bunge la Kenya lina haki na uhuru kuliko mabunge mengi ya Afrika ambayo hutumika kama nyumba ndogo za utawala katika kulinda na kuendeleza uovu. Mifano midogo ni nchini Rwanda na Uganda ambapo mabunge yalipitisha sheria za kuruhusu watawala wao kubadilisha katiba ili kubakia madarakani kinyume cha matakwa ya wananchi.
            Tukija Tanzania, bunge letu bado si huru tokana na kuwa na wabunge wengi wa chama tawala; jambo ambalo hulifanya lipitishe mambo ya hovyo bila kuogopa kushughulikiwa kisheria. Ukiachia hili, ukosefu wa sheria inayolipa madaraka hata likiwa chini ya chama kimoja kama mhimili wa dola yanaonekana namna chama tawala kinavyolitumia litakavyo bunge. Mfano wa hivi karibuni ulijitokeza hivi karibuni nchini Afrika Kusini ambapo katiba huru hulipa bunge uhuru. Baada ya vyama vya upinzani kutoridhishwa na udhu wa rais wa nchi hiyo mwenye wingi wa kashfa za rushwa na ukosefu wa maadili hata binafsi Jacob Zuma, walikwenda mahakamani  na bunge likaamuru rais apigiwe kura ya kutokuwa naye imani. Kama si kuwa na wabunge wengi wa chama chake–ambacho kimechakaa tangu aondoke rais wa kwanza wa nchi hiyo shujaa Nelson Mandela kama CCM baada ya Nyerere– walimuokoa. Ingekuwa Tanzania nani alitegemea upinzani upeleke hoja bungeni halafu spika aipitishe? Ni mara moja ilipotokea bunge likapitisha hoja ya kutaka kuishughulikia serikali mwaka 2008 ambapo–tokana na siasa za makundi ndani ya chama tawala na ushiriki wa rais mwenyewe kwenye kashfa–alimtoa kafara waziri wake mkuu.
            Somo jingine linalotolewa na ubatilishwaji wa matokeo ya urais nchini Kenya ni kwamba Tanzania inahitaji kufikiri upya juu ya kuendelea kuua rasimu ya katiba mpya ya wanachi iliyolenga kuondoa mabaki ya ukoloni Tanzania ambayo imekuwa ikiendeshwa na katiba viraka ya zamani isiyo endana wala kukidhi matakwa ya watanzania. Katiba ya sasa ni ya watawala na si ya wananchi tofauti na katiba ya Kenya ambayo ni ya wananchi na wanaweza kuitumia dhidi ya watawala hata akiwamo rais bila kikwazo wala woga.
            Tumalizie kwa kuwataka watanzania na  hata watawala kuanzisha mchakato wa kudai kurejeshwa kwa mchakato wa katiba mpya kama kweli si wanafiki wanataka kuikomboa na kuiendeleza nchi kama wengi wanavyosema. Tunataka matendo na si maneno. Tunataka katiba mpya sasa.
Chanzo: Tanzania Daima J’pili kesho. Saturday, 2 September 2017

Mlevi kuanzisha chuo cha uchungaji na ushehe

          Kama mtume Po alivyoona mwanga akaanguka na kuokoka au mtume Mood alivyobanwa mbavu kule mwambani, nami nimetokewa na Yeye Aliye Juu; ameniamru nianzishe chuo ili kurejesha maadili na kuondoa madili. Hivyo, nitaitwa nabii wa maadili mpinga madili na upigaji.
            Kwa vile wengi wamejivisha utukufu na vyeo vya uchungaji na ushehe kiasi cha kuumiza na kupoteza wengi, imebidi nitangaze uokovu. Naona yule anatikisa kichwa na kusonya.  Anaona ajabu mimi kujadili masuala ya dini. Kwani dini hazijadili masuala ya ulevi na kuupiga marufuku ukiachia mbali kukandamiza mila za Kiswahili na kusaidia ukoloni kuenea Afrika? Kuna jipya gani hapa iwapo siku hizi tunasikia kila kashfa kuanzia zile za ubakaji, unajisi, ngono na kujitajirisha kwa kutumia neno la Bwana God? Unadhani mimi ni sawa na yule shehena anayejiita shehe aliyenusurika kunyotolewa roho na walevi baada ya kukutwa akiiba kiti moto siyo? Au unadhani mie ni sawa na hawa wachunaji wanaohubiri upuuzi huku wakiwaibia wajinga wengi na kuishia kuwa matajiri wa kunuka hadi wanajenga mahekalu na kununua mapipa? Unadhani mimi ni sawa na wale maaskopo makopo waliopokea njuluku za Jimmy Rugetumbuliwa na Singasinga? Mie si sawa na matapeili wanaojifanya kuchambua Biblia kutetea dini fulani wakionyesha ubovu wake wakati waliogopa umande. Kama wewe ni msomi si utumie kitabu chako na cha wengine uwaachie wenyewe? Wakigusa chako unatishia kunyotoa watu roho. Mie ni mtu wa God kweli kweli hata kama ninalewa. Tofauti yangu ni kwamba mimi nalewa kanywaji wala si dhambi kama uroho wa utajiri na uongo unaoitwa miujiza. Muujiza ninaotenda ni mmoja; kutongoa ambayo wengi wanayagwaya kutokana na kuelimika vya kutosha kama mimi.
            Hujawaona wanaodai wanatenda miujiza wakati miujiza yenyewe ni utapeli na wizi mtupu? Hujawaona wachunaji walioutumia kupata vyeo vya kisiasa kama vile uishiwa ukiachia mbali wanaojipachika usomi wakati ni vibashite na vihiyo?
            Kwa taarifa yako love it or hate it, mie nimetumwa na mwenyewe asiyeonekana kuwaokoa walevi toka kwenye ujinga na udhambi utokanao na kutaka kuonja pepo kabla ya kufa. Haiwezekani; lazima ufe ndiyo uione pepo.  Hata hivyo, ukisharejesha namba unadhani utarudi? Hata usipoikuta pepo wala moto, who knows?
            Naona yule anaanza kujinga kusema eti najadili dini. Why? Kama dini zenyewe zimekuwa zikitujadili na kutukana maadili yetu tangu ziliposaidia ukoloni na utumwa kuingia Afrika, nini mbaya kuzijadili hata kuzizodoa? Mie siyo kama huyu shehe aliyeiba kiti moto wala askofu aliyepokea njuluku za escrew. I know what I am doing; na isitoshe mie ni bonge la msomi wa theology na dogmata. Umenipata siyo? Hivi unategemea nifanye nini wakati walevi wanazidi kupigwa na matapeli kama Lungumi, Escrew, UdA na wengine wengi? Hukusikia hata wale tuliowaamini madaraka yetu walivyonyakua ardhi hadi sasa walipofichuliwa na dokta Kanywaji bin Mtumbuaji ambaye siku hizi ameanza kuchoka kutumbua?
            Mie si mchunaji wala shehena anayependa kula na wanene. Kazi yangu ni kurejesha maadili hasa baada ya kugundua kuwa ile katiba mpya ya maadili iliuawa ili kulinda madili ya wanene wa zamani ambao dingi ameamua kufa nao kwa kuwakingia kifua huku akiwaadhibu wadogo zao. Hivi unapochuka ardhi ya Fred ukaacha ya bwana Rukhusa na Uwazi na ufichi unafanya nini zaidi ya kuruka mkojo na kukanya manonihino. Je huku ndiko kutenda haki bila ubaguzi ambao siku zote humsikia Kaisari akijinadi kuwa hatajali chama, dini, kabila wala rangi ya mlevi. Fred anadai alikuwa akimilki hekari 300 na ushei wakati shehe Aliii anamilki 1000 na ushei. Hapa hujamgusa brother Dangerman Dugong Makapi aka Chingaz.
            Ni bahati mbaya kuwa wanafunzi wa nabii Musa aka Mchonga hawakumuelewa kiasi cha kujiingiza kwenye ujinga wasijue mambo huenda yanabadilika. Hawakujua kuwa atakuja dokta Tumbuaji na kuwatumbua kiasi cha kutia mchanga kitumbua chao. Walume wangapi wanaongea pumba tupu kama wewe mchunaji tapeli?
            Enzi za kukua kwetu, hakuna waliokuwa wakiaminika kama viongozi wa kiroho kabla ya kuchipuka wasaka ngawira na wachumia tumbo wanaohubiri na kufanya upuuzi kama ambaye juzi nilimsikia akisema eti wanawake huongea sana kuliko walume na maongezi yao asilimia kubwa ni pumba. Sijui huyu mchunaji anayesifika kwa kupiga kanywaji anaweza kumwambia utumbo huu mama yake asimuachie laana? Kama mkeo ni bomu, usitukana wanawake wote.
            Tokana na kuongezeka kwa kashfa zinazochafua na kuvunja heshima ya dini, nimeamua kuanzisha chuo cha kunoa mashehe na wachungaji ili wapambane na wachunaji na mashehena waliotamalaki kayani wakitenda kila aina ya dhambi.
Chanzo: Nipashe J’mosi leo.

Kumpinga rais au serikali si jinai

Sunday, 9 July 2017

            Hivi karibuni baadhi ya vyombo vya habari viliingia utatani hadi vingine kufungiwa huku wanasiasa na wakosoaji wakipewa onyo kali kuacha ima kuipinga serikali au rais. Tukio la hivi karibuni ni pale rais John Pombe Magufuli alipoamuru polisi kuwakamata wote wanaohoji baadhi ya mambo anayofanya kama vile kushindwa kudhibitiwa kwa mauaji ya Kibiti, upelekaji bungeni mikataba ya haraka bungeni, hata baadhi ya hatua anazochukua kuhusiana na mambo mbali mbali kama vile uhuru wa vyama vya siasa kufanya siasa.
            Tokana na utata huu–ambao wengine huuona kama uimla–kuna haja, kama taifa, kukaa pamoja na kukubaliana namna ya kuendesha nchi yetu hasa vita dhidi ya uhujumu wa taifa na tishio dhidi ya usalama wa raia. Hivyo basi, leo nitadurusu mambo muhimu ambayo pande zote zinapaswa kuzingatia kama ifuatavyo:
Mosi, Tanzania si mali ya rais, serikali wala chama tawala. Ni mali ya watanzania wote kwa usawa. Hivyo, kila mtanzania ana uwezo wa kuamini aonavyo ilmradi asivunje sheria. Kwani, kwa mfano, wanaohoji mambo hayo hapo juu, hawatendi kosa lolote hasa ikizingatiwa kuwa kila binadamu amejaliwa uhuru na uwezo tofauti wa kuyadurusu na kuyaelewa mambo.  Hivyo, kutishiana kukamatwa na polisi si jibu wala njia sahahi kwa mustakabali wa taifa letu. Tupingane kwa hoja na si vitisho wala kutumia misuli ya dola. Baba wa taifa Mwl Julius Nyerere alituachia tunu tatu kuu. Moja uvumilivu, pili, kujibu hoja kwa hoja kwa njia ya majadiliano, na tatu uadilifu. Kimsingi, uadilifu ni sehemu mojawapo ya kuwathamini wengine na michango yao na si juu ya mali wala fedha tu.
            Pili, matumizi ya vyombo vya dola kunyamazisha wakosoaji ni uvunjaji demokrasia jambo ambalo ni jinai bila kujali anayelitenda ni nani au ana cheo gani. Kwani, kama nilivyoeleza hapo juu, kila binadamu amepewa ubongo afikiri atakavyo na kuhoji na kujibu anachojua au kutilia shaka. Hapa lazima tuelewe; kama mtu anasema uzushi, tunampa ukweli lakini si kumnayamazisha. Tunaweza kuwafunga wakosoaji hata magezeti lakini hatuwezi kufunga akili na vinywa vyao.
            Tatu, kwani rais na serikali yake hawakosei? Rais ni binadamu na serikali yake inaendeshwa na binadamu. Sijui, kwa mfano, serikali inapata wapi jeuri ya kutaka kuwanyamazisha wapinzani wanaohoji miswaada ya sheria chini ya hati ya dharura bungeni wakati ni miswaada na staili hiyo hiyo iliyosababisha kutungwa sheria mbaya za kifisadi hadi Tanzania ikawa inaibiwa mchana kweupe? Je ni serikali ya chama gani iliyoingia upuuzi huu kama siyo hii hii iliyoko madarakani? Hivi kuhoji huyu roho mtakatifu alipotekea nalo ni kosa au tunapenda kurudia makosa tu bila sababu? Nani amesahau wabunge kama David Kafulila, John Mnyina na Zitto Kabwe hata walivyofurushwa bungeni kwa kupinga sheria mbovu zinazobadilishwa kwa sasa? Hawa nao wanyamaze wakijua wazi kitakachotokea baada ya kufanya mambo kwa kukurupuka? Kama tumeibiwa miaka 20 tukavumilia–japo si jambo jema–inakuwaje tukurupuke kama tulivyokurupushwa na waliobariki huu ufisadi? Nadhani shughuli za taifa si za kuaminiana tu bali kutiliana shaka na kuchunguzana. Na isitoshe, hizi siyo zama za chama kimoja na zidumu fikra za mwenyekiti.
            Nne, kama wabunge wanaowawakilisha waliowachagua kufanya hivyo wametumwa kusema wanayosema, inakuwaje mnawatisha na kuwafukuza kama mtu mmoja wakati wanawakilisha wale waliowatuma? Sasa nini faida ya kuwa na wabunge kama wabunge wote wanapaswa kuwa ndiyo mzee? Naungana na baadhi ya wabunge waliosema kuwa badala ya kuwatisha na kuwaona kama maadui wa taifa, basi tubadili katiba na kuendesha nchi kwa chama kimoja bila kujali kuwa kile kilichotufanya tutoke huko bado kiko pale pale au tunataka tuendelee kulazimishwa na wazungu namna ya kuendesha nchi yetu kutokana na kutokubaliana na baadhi ya mambo? Mfano, nani amempa rais mamlaka ya kujadiliana na kampuni ya Barrick huku vyombo vya dola vikiigwaya kampuni inayotuhumiwa ya Acacia? Je hili pekee halionyeshi kuwa tunaanza vibaya kumdai mtu ambaye huna mkataba naye eti kwa vile ni mbia wa aliyekuibia? Ni sheria na busara gani hii jamani?
            Kwa waliosoma Migogoro na utatuzi wa migogoro (Conflict Resolution Studies) wanajua fika kuwa katika mgogoro wowote lazima kuwapo na watu au makundi zaidi ya moja yanayogombea hiki moja au parties to conflict. Hawa wanaweza kujiwakilisha kwenye majadiliano na wataalamu wa eneo husika lakini hawawezi kujivua uhusika. Mfano, ukiwa na ugomvi nami, siwezi kuwakilishwa na mke wangu kama party to conflict vinginevyo aje kama mtaalamu au mteuliwa tu asiye na uwajibikaji kisheria bali kukusemea tu.
            Tumalizie kwa kuitaka serikali itambue kuwa hata wanaoipinga, licha ya kuwa na haki kufanya hivyo, wana akili sawa na hawa wanaowapinga. Pia wafahamu na kukubali kuwa wanapingwa tokana na historia yao yaani kuingia mikitaba mibovu. Na mwisho, wao si Mungu asiyekosea; ni wanadamu tu wa kawaida. Wangekuwa hawakosei wala wasingekosea kwa madudu yanayotuhangaisha kama taifa.
Chanzo: Tanzania Daima J’pili leo.

Bi Mkubwa wangu kweli Mwanaume kama Akashia!

Fighting corruption: A lesson from South Korea

South Korea recently stunned the world; entering history books for being among countries that unpityingly deal with corruption regardless who’s implicated. Former president Park Geun-hye was booted out of office after allegedly allowing her consigliore, Choi Soon-sil to misuse her office to illicitly mint and print money.

Choi–also behind bars–used her amity with Park to strong-arm companies to furtively donate money to her low-down Non-Governmental Organisation many wives of the presidents or consigliore use nowadays in their voracity for illegal opulence. One time, Samsung donated US$ 69M to Choi’s outfit.

Park’s hove to the prison waiting for her case to be determined along with her consigliore Choi. The CTV (March 30th, 2017) reports that when she arrived at the prison, an opponent held up a mock laudatory ribbon with flowers that read “Park Geun-hye, congratulations for entering prison. Come out as a human being after 30 years.” The treatment was different from our big sacred cows–the raja recently said–are not supposed to be touched or punished for their clutter.

If Park were an African raja, would have been at home lampooning those baying for her blood. She’d even have the guts of ordering their arrest if not incarceration. The difference however is that nobody’s above the law in South Korea. They know too well. Once a bin-Adam’s above the law, s/he’ll become corrupt through and through knowingly; nobody’ll make him or her face the music. In Africa, power’s about who bears it to rake in some money; not alone but also his family members, courtiers, major domos and whomever she’s pleased with. Essentially, the country’s like a private estate when it comes to [mis] managing it.

No doubt. Tanzania’s currently engrossed in multiple mega-billion scams either involving the rajas or their righthand persons geared by greed, ignorance, malice and whatnot. We’ve already heard some warnings that untouchables should not be impugned even verbally. Ironically, the raja–that did what many feared the most–seems to start contradicting himself thinking he can serve two masters, former rajas and hoi polloi. Tanzania’s decision to take on exploitative investors head on attracted many feelings some questioning the rationale of dealing with small fish by sparing sharks. Other congratulated to the extent that it became incongruously monotonous. they said; the raja’s, at least, tried while opponent argue that he’s not doing things scientifically because the laws that pulled the country in this enmeshment are still intact not to mention bogus pacts entered. Further, detractors demand that the process of resuscitating the New Draft Constitution should be rejuvenated in order to enable the country to have legal tools to deal with mega graft. For instance, how do you fight mega graft while you’ve the raja that’s above the law; thus immunised from his or her criminal acts?

Ideal examples can be drawn from recent raja’s outbursts that nobody should touch his predecessors. When Kilombero MP (CHADEMA) Peter Lijualikali woofed for their blood, the speaker of the august house, Job Ndugai presaged him that the opposition he’s speaking from has two former PMs whose dirty linens are known to the ruling party. Ironically, Ndugai forgot; PMs don’t enjoy immunity like their bosses. He’s lucky. Had it been in South Korea, he’d have paid dearly. He too, forgot; sham infallibility’s the root cause of countries endowed with hungous precious resources become poor and beggars because of such bêtes noirs. Singida East MP (CHADEMA) Tundu Lissu didn’t beat around the bush. He said that the contracts under scrutiny were signed by LTC. Jakaya Kikwete on 5thAugust, 1994; and he then didn’t have any immunity; which also applies today as far as criminal liabilities committed before one becomes an anointed aren’t covered under presidential immunity. Again, who’ll bell the cat this time around? Had it been in South Korea no stone would have been left unturned?

Source: The Citizen Wed., today.

 

         

Fear Nothing But Fear Itself